Алтынсарин ауданындағы Жазы би Жанұлы кесенесі  жергілікті маңызы бар киелі нысан қатарына жатады. Жазы би Жанұлы  тарихқа Ресей империясының құрметті азаматы, казак әскери старшыны ретінде енген. Кенесары ханның өзі Жазы бидің сөзіне тоқтаған. Жазы би 1840 жылға дейін көз жұмғанша туған жерінің шекара тұтастығы үшін күрескен. Халық есінде  ауызша халық философиясының, тарихының және географиясының көрнекті білгірі ретінде сақталып қалды. 2000 жылы Жазы би бейітіне оның ұрпақтары қызыл кірпіштен кесене тұрғызып, ескерткіш тас орнатты.