Макеттер экспозициясын Жәуке батыр кесенесі жалғастырады - ол да жалпыұлттық маңызы бар киелі нысан. Кесене батырдың ұрпақтары бастамасымен 1995 жылы табиғи тастан тұрғызылып, Екідың діни ескерткіші қасындағы төбеде, Арқалық қаласы аймағындағы көркем өңірде орналасқан.

Жәуке Назарғұлұлы - белгілі батыр, ХІХ ғасырдың басындағы ұлт-азаттық қозғалысқа қатысушы, қолбасшы және Кенесары ханның жақын серігі. Жәуке батыр халық жадында әділетті және парасатты жауынгер ретінде қалған. Оның есімі белгілі тарихшы Ермұхан Бекмаханның «Кенесары Қасымов бастаған қазақ халқының ұлт-азаттық көтерілісі» атты зерттеуінде аталып, батырдың көркем тұлғасы жазушы Ілияс Есенберлиннің «Көшпенділер» роман- трилогиясында және ақын Нұрхан Ахметбековтың «Қарға» дастанында сенімді өрнектелген.