Қостанай облыстық тарихи өлкетану музейінің қызметкерлері ақын, философ Нұржан Наушабаевтың (1858-1919) жерленген орнының аумағындағы инфрақұрылым жағдайына мониторинг жүргізді.
Нысан Қостанай облысының жергілікті маңызы бар ескерткіштерінің тізіміне кірген. Н.Наушабаев зираты Қостанай ауданының Владимиров селосынан 12 шақырым жердегі мұсылмандардың ескі қорымында. Киелі орынның орналасқан жерінің координаттары анықталып, фотосуретке түсірілді.
«Қостанай облысының киелі орындары» ақпараттық марафоны шеңберінде Владимиров селолық кітапханасына «Қостанай облысының киелі орындарына» кірген нысандар бойынша әдістемелік материалдар берілді.
