Қостанай облыстық тарихи-өлкетану музейінде «Жақсылық дәні» атты экологиялық акция өтті. Ол халық арасында «Зиновий – синичник» аталған қыстайтын құстарды қарсы алу күніне (12 қараша) орай ұйымдастырылды. Бұл күні полярлық жапалақ және ақ шымшық - «қысқы қонақтарды» қарсы алуға дайындалып, біздің өлкеде қыстайтын сары шымшық, пайызторғай, суықторғай, жорғаторғай, шекілдек, самырқұстардың да қамын ойлайды. «Жақсылық дәні» акциясына № 5 ОМ оқушылары және Қостанай қаласының өмірлік қиын жағдайдағы балаларды қолдау орталығының балалары қатысты. Олар қыстайтын құстар туралы көп мәліметтер алып, өздерін қызықтырған сұрақтарға жауап алды. Сонымен қатар балаларға құстардың қыстап шығуына көмек ретінде қолда бар материалдардан құстарға арналған жем салатын астаудың қалай жасалатындығы көрсетілді, қатал қыстан аман қалу үшін оны іліп те қойды.