2019 жылы 6 қарашада Қостанай облыстық тарихи-өлкетану музейінде «Қазақтың салт-дәстүрлері: өткені мен бүгіні» топтамасынан «Ас - адамның арқауы» атты этнографиялық интерактивті жоба жүзеге асырылды.
Іс-шара барысында қазақтың ұлттық тағамдарының ерекшелігі, құндылығы туралы мәлімет беріліп, ұлттық тағамдардың жасалу жолдары туралы, соның ішінде сүт тағамдары туралы айтылды.
Іс-шараға ақ жаулықты аналарымыз қатысып, ұлттық тағамдарды дайындаудағы тәжірибелерімен бөлісті. Соның ішінде балқаймақ дайындау және қаймақтан сары май алу, айран ұйыту және т.б. ұлттық тағамдар дайындау жолдары көрсетілді.
Іс-шара барысында музейдің қор жиынтығындағы тұрмыстық жәдігерлерден (торсық, ожау, тостаған, сары май сақтауға арналған қарын) көрме дайындалды. Осы жәдігерлердің қолданылуы жөнінде мол мағлұмат берілді.
