Облыстық музейдің жұмыс жоспары бойынша 28 қазан – 1 қараша аралығында Алматы қаласындағы Қазақстан Республикасы Президентінің архивінде және Қазақстан Республикасының Орталық Мемлекеттік кинофотоқұжаттар және дыбыстық жазба архивінде ғылыми-зерттеу жұмыстары жүзеге асырылды. Жұмыс барысында 1930-1950 жылдары жазалауға ұшыраған атақты жерлестеріміз - көрнекті қоғамдық-саяси, мемлекет қайраткерлері туралы құжаттар, ғылым, әдебиет және өнер қайраткерлері туралы құжаттар, фотосуреттер, 1918-1950 жылдардағы өлке тарихына, өнеркәсіптің дамуына қатысты құжаттар анықталды.

Сондай-ақ, А.Байтұрсынов, А.Бірімжанов, К.Тоқтабаев, Б. Майлин туралы түпнұсқа құжаттар анықталды.