Қостанай облыстық тарихи-өлкетану мұражайының қызметкерлері 19 қарашада Халықаралық темекіден бас тарту күні қарсаңында «Қостанай - темекі түтінінсіз қала» атты интерактивті акция өткізді.

Акция бағдарламасы мазмұнды және алуан түрлі болды. Акцияға қатысушылар темекі өніміне жұмсалатын қаражат шығындары туралы көрнекі статистиканы көріп, темекіні «теңгеге» ауыстырды. Мұражай холында темекі шегудің зияны туралы фильмдер көрсетіліп, бүктемелер таратылды. Акция барысында қатысушыларға сауалнама жүргізілді.