29 желтоқсанда Қостанай облыстық тарихи-өлкетану музейінде «Жаңа Қазақстанның бәсекеге қабілетті брендтерін жасаудағы халық қолөнерінің дәстүрлері» тақырыбында семинар өтті. «Kazbrands» ҚҚ-ның президенті Ж.К. Қайкенова семинарға қатысушы – танымал қостанайлық суретші-қолөнершілерге қазақстандық сәндік-қолданбалы өнерді бренділеу бағдарламасы туралы айтып берді.

Қолөнерші суретшілер және халық шеберлері: А.Аңқауов, М.Төлемісова, С.Шалунова, Р.Рахалиева, А.Диханбаев, С.Ищанов, М.Рахалиев, Ж.Омарбекова, Т.Божақов, Т.Тумакова, Ү.Бығысбаева, сондай-ақ «KBK Group» ЖШС-нің жетекшісі А.Бейсенбаев ұлттық сәндік-қолданбалы өнерді дамыту бойынша пікірлерін білдіріп, ұсыныстармен алмасты.