Жыл сайын 1 сәуірде бүкіл ғаламшар Халықаралық құстар күнін атап өтеді. Бұл күн 1906 жылы Құстарды қорғау бойынша конвецияның бекітілуінен кейін атап өтіле бастады.
Қостанай облыстық тарихи-өлкетану музейінің қызметкерлері мәдени-ағарту бағдарламасы шеңберінде Қостанай қаласының №1 орта мектеп оқушыларына «Құстардың көктемгі құбылған үні» музейлік іс-шаралар топтамасын өткізді. Мұндай мерекелер балаларды табиғатты сүюге, құстарды аялауға және құстарға жауапкершілікпен қарауға тәрбиелеуге бағытталған.
Музей қызметкерлері құстарды қорғау күнінің шығу тарихына, көктем мезгілінде ұшып келетін, сирек кездесетін құстардың тіршілігіне қатысты қызықты деректер берді. Жүргізушінің қызықты әңгімесі түрлі-түсті суреттер мен құстардың жазылған дауысымен сүйемелденді.
