2023 жылдың 14 сәуірінде сағат 15.00-де Қостанай облысы әкімдігінің Мәдениет басқармасының Қостанай облыстық тарихи-өлкетану музейінің бейнелеу өнері бөлімінің экспозиция залында елімізге белгілі қылқалам шебері, астаналық суретші Аңсаған Мұстафаның «Сөйле, сурет!» атты дербес көрмесі ашылды.

Аңсаған Мұстафа – Қазақстанның көптеген қалаларында және шетелде ұйымдастырылған көрмелерінің арқасында туындылары танымал болған Қазақстанның белгілі суретшілерінің бірі. Аңсағанның көрмелері Астана, Алматы, Атырау, Орал, Теміртау, Талдықорған, Тараз, Қарағанды, Қызылорда, Шымкент қалаларында ұйымдастырылды. Суретші Аңсаған Мұстафаның туындыларын Италия, Ұлыбритания, Франция, Оңтүстік Корея, Иран, Колумбия, Бразилия, Аргентина, АҚШ елдерінің көрермендері тамашалады. Әлеуметтік желілерде Аңсаған танымал блогер, онда ол көптеген өнер туындылары мен дизайн әзірлемелерін жариялады.

«Сөйле, сурет!» көрмесі Қостанай облыстық тарихи-өлкетану музейінің бейнелеу өнері бөлімінің бірінші қабаттағы көрме залында бір ай бойы жұмыс істейді.