2016 жылдың 22 сәуірінде картина галереясында белгілі қостанайлық суретші-мүсінші, ҚР Суретшілер одағының мүшесі Баян Баталовамен шығармашылық кездесу өтті. Кездесу кескіндеме, мүсін, графика және батикте орындалған автордың 75 шығармашылық туындылары ұсынылған «Туған жер – алтын бесік» атты мерейтойлық дербес көрмесінің экспозиция залында болды.

Баян Баталова - дарынды, үнемі шығармашылық ізденісте болатын жарқын тұлға. Оның туындылары асқан шеберлігі, алуан түрлілігі және ғажайып үндестігімен көздің жауын алады және материалды сезінетін үнемі ізденістегі шебер ретінде танытады.

И.Е.Репин атындағы Ленинград кескіндеме, мүсін және сәулет институтының түлегі Баян Баталова бейнелеу өнері шеберлерінің академиялық мектебінің дәстүрлерін аса құрметтейді.

Көрме авторы Қостанай мемлекеттік педагогикалық институтының студенттеріне мүсін және академиялық суреттен сабақ бере отырып, тәлімгерлікке көп күш-жігері мен уақытын бөледі.

Кездесу барысында мүсінші және суретші-қөлөнерші Б. Баталова өзінің жаңа шығармашылық жобалары туралы әңгімелеп, кездесуге қатысушылардың сауалдарына жауап берді.