2016 жылдың 5 наурызында Қостанай облыстық тарихи-өлкетану мұражайының КММ картина галереясы Л. Н. Толстой атындағы облыстық әмбебап ғылыми кітапханасымен бірлесіп алғаш рет жас суретшілердің қатысуымен ҚР Тәуелсіздігінің 25 жылдығына арналған «Мен Тәуелсіз Қазақстанның суретін саламын» көркемдік жобасын өткізді.

Жобаға А.И.Никифоров атындағы көркемсурет мектебінің оқушылары және қостанайлық жас суретшілер, «Жас толқын» облыстық байқауының лауреаттары М.Ордашева, Е.Садовникова қатысты.

Жас суретшілер көрермен назарына көлемді қағаз бетіне туған Қазақстанның бейнесін салды. Осы туындыны балалар картина галереясына сыйлады. Бұл қызықты шығармашылық жұмысты кәсіпқой суретшілер жоғары бағалады.

Жобаға қатысқан жас суретшілерінің суреттері мен ҚР жайындағы викторина сұрақтарына берген жауаптары дипломдар мен естелік сыйлықтарымен марапатталды. Шығармашылықтың жаңа формаларын іздеуге көмектескен, патриотизмді, азаматтық сана-сезімді қалыптастырғаны үшін А.И.Никифоров атындағы мектептің әкімшілігі мен ұстаздарына алғыс хаттар табысталды.