2016 жылы 29 ақпанда Қостанай облыстық тарихи-өлкетану мұражайында ҚР Тәуелсіздігінің 25 жылдығына арналған «Қазақстан - Ұлы Дала елі» атты фотокөрме ашылды.

Белгілі қостанайлық фотошеберлер Николай Савченко мен Лариса Урженко туындыларының көрмесі қазақстандықтар үшін маңызды болып табылатын Алғыс айту күні мен 8 наурыз - Халықаралық әйелдер күні қарсаңында ашылды.

Іс-шараға қатысушыларды «Нұр Отан» партиясының «Жас Отан» жастар қанатының мүшесі Б. Жүнісов, тілдерді дамыту басқармасының бөлім меңгерушісі Б.З. Сүлейменова, №2 мектеп-лицейдің ғылыми-әдістемелік жұмыстар бойынша педагог-кеңесшісі Т.А. Климчук, мәдениет, спорт және ақпарат қызметкерлерінің Салалық кәсіподақ комитетінің төрайымы Л.С. Шестаковалар құттықтады.

Іс-шара соңында Николай Савченко тосыннан жасалған фотостудияда шеберлік сабағын өткізді.