Музейге 1927 жылы бай мүлкін тәркілеу барысында алынған тұрмыстық заттар мен киімдер этнографиялық жиынтыққа негіз болды. Қостанай облыстық тарихи-өлкетану музейінің қорында алтын жіппен зерленген айыр қалпақ (мұрақ) сақталған. Айыр қалпақты музейге БК(б)П Қостанай губкомы тапсырды. Қостанай округі Қарабалық ауданының № 10 ауылының тұрғыны Бірмағамбет Алдияровтың үйінен алынған.

3 наурыз күні «Алау» телеарнасының «Өмір ағымы» бағдарламасының «Көненің көзі» айдарында музей қызметкері бірегей жәдігер тарихы туралы әңгімелеп берді.