2018 жылдың 25 қыркүйегінде Қостанай облыстық тарихи-өлкетану музейінде көрнекті ақын, жазушы, аудармашы, қоғам қайраткері Қайнекей Жармағанбетовтің 100 жылдығына арналған «Теңіздей терең тұлға» атты әдеби-сазды кеш өтті.

Кешке ақын-жазушылар Ғ.Ахметчин, С.Оспанов, Н.Мұқатов, Қазақстан Республикасы Ішкі істер министрлігінің Шырақбек Қабылбаев атындағы Қостанай академиясының курсанттары, ҚМПУ студенттері, Назарбаев Зияткерлік мектебінің оқушылары және мәденеиет саласының қызметкерлері қатысты. Кеш барысында музей қорынан алынған Қ.Жармағанбетовтің өмірі мен шығармашылығына қатысты фотосуреттерден тұсаукесер көрсетілді. Кеште ақын-жазушылар Қ.Жармағанбетовтің шығармашылығы туралы естеліктермен бөлісті. Ғ.Ахметчин, С.Оспановтар оның туындыларын оқыды. Кеш соңында Н.Мұқатов «Теміртау жастарының маршын» шырқады.