7 сәуір күні - жер жүзі тұрғындары Дүниежүзілік денсаулық күнін атап өтеді. Алғаш рет бұл мереке 1948 жылы 22 шілде де аталып өтті, бірақ оны 1950 жылы 7 сәуірге ауыстырды, бұл күн - Дүниежүзілік денсаулық сақтау ұйымының Жарғысы қабылданған күн. Денсаулық - бұл басты құндылық, табиғаттың бізге берген сыйы. Адам баласы жас кезінен денсаулығын сақтауға міндетті, өйткені тек дені сау адамдар ғана иықты ел, қуатты мемлекет құра алады.

2016 жылы 7 сәуірде Қостанай облыстық тарихи-өлкетану мұражайында «Дені саудың - жаны сау» атты мұражайлық іс-шара өтті. Іс-шара барысында №5 ОМ оқушылары дәрілік өсімдіктердің пайдасы туралы, алғашқы медициналық көмек көрсету әдістері мен саламатты өмір салты дағдылары туралы көп мағлұмат алды. Мұражай қызметкерлері оқушыларға бақбақ мен қалақайдан, түйежапырақ тамырларынан қандай пайдалы тағамдарды пісіруге болатынын айтып берді. Қызықты қимыл ойындарынан кейін іс-шараға қатысушылар бірнеше минутын күлкі терапиясына бөліп, «Ералаш» киножурналының саламатты өмір салты туралы серияларын тамашалады.

Іс-шара соңында оқушылар қостанайлықтардың спорттық жетістіктері туралы сыр шертетін мұражай экспозициясымен танысты.