1987 жылы БҰҰ Бас Ассамблеясы 26 маусымды Дүниежүзілік нашақорлықпен және заңсыз есірткі айналымымен күрес күні деп жыл сайын атап өтуді бекітті.

Наркологиялық кесел көптеген теріс әлеуметтік салдарды туғызатын қоғамның ең ауыр мәселелерінің бірі болып отыр. Олардың ішінде: наркологиялық кеселдің және қосалқы жұқпалы аурулардың таралуына байланысты халықтың жалпы денсаулығының нашарлауы, әсіресе, жастар арасында нашақорлықтың таралуы салдарынан еліміздің табиғи демографиялық ресурстардың бүлінуі.

2016 жылы 10 маусымда музей қызметкерлері Қостанай облыстық саламатты өмір салтын қалыптастыру мәселелері орталығымен бірлесіп музейге келушілер үшін «Біз өмірді таңдаймыз!» атты ақпараттық-насихат акциясын өткізді. Іс-шара барысында нашақорлықтың зияны туралы ақпараттық бүктемелер таратылып, әлеуметтік роликтер көрсетілді, құнды кеңестер айтылды. Фотодеректік көрмеде нашақорлықтың алдын алу туралы ақпарат, статистикалық деректер, фотосуреттер мен жаднамалар берілген.