«Рухани жаңғыру» бағдарламасын жүзеге асыру шеңберінде Қазақстан Республикасы Ұлттық музейінің жанындағы «Халық қазынасы» ғылыми-зерттеу этнографиялық экспедициясының қатысушылары Қостанай облыстық тарихи-өлкетану музейіне келді. ҒЗИ дәстүрлі мәдениет бөлімінің қызметкерлері А. Мұсағажинова, А. Сауытбекова, И. Бекзатқызы Қостанай қаласына сәндік-қолданбалы өнер, қазақ халқының ұлттық киімі мен ұлттық тағамы, Қостанай облысының ономастикасы бойынша материалдар жинау және зерттеу мақсатында келген.
Қостанай облыстық тарихи-өлкетану музейінің қызметкерлері әріптестерге көмек көрсетіп, шығармашылық және ғылыми зиялы қауым өкілдерімен кездесу ұйымдастырды.
«Халық қазынасы» ҒЗИ этнографиялық экспедициясы 3 жылға жоспарланған және этнографиялық экспедиция жұмысының қорытындысы бойынша өңірдегі қазақ халқының материалдық емес мәдени мұраларының тізімі жасалады, мәліметтер базасы құрылып, жаңа деректерді ғылыми айналымға енгізеді.
