1 мамыр күні Қазақстан ең қайырымды және жарқын мерекелердің бірі - Қазақстан халқының бірлігі күнін атап өтеді. Бұл мереке - 150-ден астам ұлт пен ұлыс өкілдері өмір сүріп жатқан елдегі бейбіт өмір үшін аса қажет достық, өзара түсіністік пен ынтымақтастық мерекесі.

Тәуелсіздіктің алғашқы күнінен бастап Мемлекет басшысы Нұрсұлтан Назарбаев біздің жерімізде бейбітшілікті сақтауға көп көңіл бөлді, қазіргі таңда Қазақстан көптеген елдер үшін бірлік пен келісімнің үлгісі болды. Республиканың барлық жетістіктерінде бірегей қоғамдық институт - Қазақстан халқы Ассамблеясының елеулі үлесі бар.

Мұражай қызметкерлері 2016 жылы 28 сәуірде ҚР ҰҚК Шекара қызметінің 2031 әскери бөлімінің әскери қызметкерлері үшін «Бірлік - қымбат қазына» атты іс-шара өткізді, іс-шара барысында этно-мәдени орталықтардың өкілдері қонақтарды Қазақстан жерінде тұрып жатқан өз халқының тарихымен, ұлттық салт-дәстүрлерімен таныстырды.