21 қыркүйекте ҚР Ұлттық Ұланы 6697 ә/б Қазақстан халқы тілдері күніне орай «Тіл халықтар достастығының елшісі» атты байқау ұйымдастырылды. Іс-шара барысында Қостанай облыстық тарихи-өлкетану музейінің қызметкерлері киіз үй жабдықтарынан көрме ұйымдастырды. Көрмеге музей қорындағы ағаштан, киізден, сүйектен жасалған бұйымдар қойылды. Халқымыздың тұрмыс-тіршілігінде қолданылған кебеже, сандық, ағаш астаулар, киізден жасалған аяққап, бесік, ер-тоқым сияқты заттармен қатар қолдан тоқылған кілем, бау-басқұрлармен безендірілген киіз үй көрінісі іс-шараның көркі болды.