«Мен қазақша сөйлеймін» атты жалпыреспубликалық акция шеңберінде Қостанай облыстық тарихи-өлкетану музейінің қызметкерлері 14 қарашада қоғамда мемлекеттік тілдің мәртебесін көтеру, қазақша сөйлесу мәдениетін арттыру және мемлекеттік тілді үйренуге қызықтыруға бағытталған шағын байқау өткізді. Шараға шақырылған Қостанай қаласындағы №19 орта мектептің оқушылары «Мақал-мәтелдерді құрастыру», «Сөйлемнің жалғасын тап» сияқты ойындарға белсенді қатысты.