2022 жылдың 2 наурызында Қостанай облыстық тарихи-өлкетану музейінің қызметкері ҚИНЭУ кәсіпкерлік колледжінің студенттеріне «Алаш мұрасы: өткеннен келешекке» - ұлттық демократиялық Алаш қозғалысының 105 жылдығына арналған музейлік сабақ өткізді.

Сабақ барысында студенттер отан тарихының жарқын беттерінің бірімен танысты. Алаш қозғалысының мұрасы шын мәнінде баға жетпес мұра екенін, оның бүгінгі күні де өзектілігін жоғалтпайтын идеялардың қайнар көзі екенін білді. ХХ ғасырдың басында дүниеге келген Алаш идеясы тәуелсіз Қазақстанның мүддесіне қызмет етіп келеді.