2016 жыл –әрбір қазақстандықтардың өмірін бейнелейтін ерекше кезең. 25 жыл бойы тарихи дамуында керемет секіріс жасап, Ұлт көшбасшысы Н.Ә. Назарбаевтың басшылығымен қазақстандықтар қуатты, динамикалық, заманауи мемлекет құру үшін бірлесіп еңбектенуде. Бірақ Тәуелсіздік күнінің негізі – ол 1986 жылғы Желтоқсан оқиғасы.
Қостанай облыстық тарихи-өлкетану музейінде 2016 жылдың 14-желтоқсанында 1986 ж. желтоқсан оқиғасының 30 жылдығына және ҚР Тәуелсіздігінің 25 жылдығына арналған «Желтоқсан жаңғырығы» атты кеш өтті. Іс-шарада 1986 жылғы Желтоқсан оқиғасына қатысушы, кеш қонағы ҚМПИ доценті Нұрмұхаметова Қарлығаш Тұрғанбекқызымен музей қызметкерлері Желтоқсан оқиғасының туу себептері, Қазақстанның тәуелсіздігін жақындатуға сеп болған, жастар толқуы, қазақ мемлекеттігінің қалыптасу кезеңдері жайлы әңгімеледі. Сонымен қатар шараға қатысушыларға «Жетоқсан алауы», «Желтоқсан көтерілісі» атты құжатты фильмдер көрсетілді; Қостанай қаласының № 115 ОМ оқушылары патриоттық өлең оқыды, іс-шара соңында барлық қатысушылар «Атамекен» әнін орындады.
