Бүгін 16 наурыз – денсаулықты сақтауға және нығайтуға бағытталған «Денсаулық күні». Бұл күні Қостанай облыстық тарихи-өлкетану музейі мергендік спортының бір түрі «Дәстүрлі садақ ату» іс-шарасын ұйымдастырды. Шараға Қостанай қаласының дәстүрлі садақ ату клубының жаттықтырушысы Әсел Ербұланқызы мен садақшы қыздары қатысты. Музейге келушілер және №27 ОМ оқушылары садақ ату бойынша өз өнерлерін көрсеткен клуб шәкірттерінің ерекше қойылымдарын тамашалады. Жасөспірімдер үлкен қызығушылық танытып, садақ ату бойынша қысқаша нұсқау алып, өз мергендіктерін сынады.

Дәстүрлі садақ ату ерекше спорт түрі ғана емес, сонымен қатар тарихқа деген сүйіспеншілік пен жастар бойында қайсарлықты қалыптастырады.