Наурыз мейрамының тұжырымдамасы бойынша әр күн белгілі бір салт-дәстүрге арналады. 15 наурыз – «Шапағат күні» мейірім мен қамқорлыққа, қайырымдылыққа бағытталған қазақтың ұлттық түп-тамырымен терең байланысқан ежелден еншімізге тиген дәстүріміздің бірі.

Бұл күні Қостанай облыстық тарихи-өлкетану музейі Қостанай облысы әкімдігі Білім басқармасының "№ 2 ерекше білім берілуіне қажеттілігі бар балаларға арналған "балабақша-мектеп-интернат" Қостанай арнайы кешені" КММ-не қайырымдылық акциясын өткізді. Музей қызметкерлері қағаздан және фоамираннан қызғалдақтар жасау бойынша шеберлік сабағын ұйымдастырды. Балалар стендке көктемгі кілем мен түрлі түсті қызғалдақтардан бір шоқ гүл жасады. Мереке күніне орай әр балаға естелік кәдесыйлар мен құттықтау ашық хаттары таратылды.