Қол сандық қақпағы бар тікбұрышты ағаш жәшік, қара эмальмен жабылған. Қол сандықта гүлдер бейнеленген. Қол сандықтың екі бүйіріне металл тұтқа бекітілген. Қол сандық қазақтың тұңғыш кәсіби дәрігері Мұхамеджан Қарабаевқа тиесілі болған. Мұхамеджан Қарабаев Қазан университетінің медицина факультетін бітірген. Қазан және Орынбор қалаларындағы емдеу мекемелерінде, Қостанай «қонысының» дәрігері, Ырғыз уезінің уездік дәрігері болып жұмыс істеді. Соңғы жылдарында Мұхамеджан Қарабаев Семиозер  және Боровской ауруханаларын меңгерді.

Халқына сүйікті, әріптестеріне сыйлы, өзінің ұзақ өмірінде халқы үшін толық ұдайы еңбек етіп және өзін-өзі құрбан еткен бірінші қазақ дәрігері Мұхамеджан Қарабаев 1928 жылы, 70 жасқа қараған шағында дүниеден өтті