Қостанай облыстық тарихи-өлкетану музейінің тарихи-мәдени мұраны қорғау және пайдалану бөлімінің қызметкерлері Байсары батыр Самұратұлының жерленген жерінің аумағындағы инфрақұрылым жағдайына мониторинг жүргізді. Нысан Қостанай облысының жергілікті маңызы бар ескерткіштерінің тізіміне кірген.

Байсары батырдың жерленген жері Қамысты ауданының Орқаш ауылынан шығысқа қарай 10 шақырымда ескі мұсылмандар қорымында орналасқан. Қасиетті нысанның орналасқан жерінің географиялық координаттары анықталып, фотосуретке түсірілді.