Республика күнін мерекелеу  қарсаңында музейде  «Менің елім, менің республикам» атты интеллектуалды тур өтті. «Саяхат» барысында «Тарих білгірлері», «Тарихи тұлғаны танып біл», «Үздік аудармашы» байқауларының қатысушылары өз жеріне, халқының әдет-ғұрпы мен салт-дәстүріне деген ықылас пен құрметіне бөленіп, тәуелсіз Қазақстанның қалыптасуының тарихи дәуірін ой електерінен өткізді. «Халықтың рухани мұрасы» байқауында No19 орта мектебінің жоғары сынып оқушылары халық өнері әлемін, қазақ қолданбалы өнерінің көркемдік мәнерін танып білді. Домбыраның сиқырлы үні аясында оқушылардың аузынан Отан туралы көптеген жақсы сөздер шын жүректен айтылды.