2022 жылдың 23 ақпанында Қостанай облыстық тарихи-өлкетану музейінің қызметкері «Алау» телеарнасының «Өмір ағымы» бағдарламасының «Көненің көзі» айдарында белбеу және оның түрлері, тоға туралы әңгімеледі.

Музей қорында белбеу мен тоға түрлері жинақталған. Көрермендерді кісе белбеу, кемер белбеудің қолданылуы, оның музей қорына түсу тарихы, сондай-ақ ерте сармат мәдениетінің соңына б.з.д ІІ-І ғ. жататын,  Халвай қорымының №1 қорғанынан (Қостанай облысы) табылған жыртқыштың түйеге шабуылы бейнеленген қола тоғамен  таныстырды.