2022 жылдың 22 ақпанында Қостанай облыстық тарихи-өлкетану музейінде «Ботай» мемлекеттік тарихи-мәдени музей-қорығы дайындаған «Атқа міну мәдениеті – дала өркениетінің мұрасы» атты көшпелі көрмесінің ашылуы өтті.
Ботай мәдениеті — В.Ф. Зайберт солтүстік Қазақстанның энеолит дәуіріндегі ескерткіштерін зерттеу материалдары негізінде бөліп атаған археологиялық мәдениет. Ботай мәдениетінің бірегейлігі мен мәні-мағынасы әлемде бірінші болып жылқы қолға үйретілгендігіне, көшпенділердің алғашқы тұрғын үйлерінің салынғандығына негізделеді.
22 ақпан мен 10 наурыз күндері аралығында Қостанай қаласының тұрғындары мен облыстың қонақтары Ботай мәдениетінің құнды артефактілерімен таныса алады.
