Балалар жылы аясында 2022 жылдың 11 қарашасында Қостанай облыстық тарихи-өлкетану музейі Сарышымшық күніне орай «Жылулық дәні» атты интерактивті акция өткізді. Музей қызметкерінің біздің өлкемізде қыстауға қалған құстар туралы қызықты әңгімесі түрлі-түсті фотосуреттермен және құстардың дауыстары жазылған жазбалармен сүйемелденді. №27 орта мектебінің оқушыларына құстардың қақаған қыста, қарлы боран мен отыз градустық аязда аман қалу үшін, кейін іліп қоюға болатын құстарға жем салатын астау жасау тапсырылды.