«Жастар экстремизмге қарсы!» - Қазақстан халқының рухани келісім күніне орай діни конфессия өкілдерімен кездесу

18.10.2017
«Жастар экстремизмге қарсы!» - Қазақстан халқының рухани келісім күніне орай діни конфессия өкілдерімен кездесу

Ұлтаралық татулық пен рухани келісім біздің басты темірқазығымыз болып табылады. 1992-ші жылы қазанда Қазақстанның сол кездегі астанасы Алматы қаласында Бүкіләлемдік Рухани келісім конгресінің 1-ші сессиясы өтті. Конгреске қатысушылар қазанның 18-ін рухани келісім күні - қақтығыстар мен жанжалдарға шектеу қою, татулыққа талпыну, жақын адамдарға қайырымдылық пен жәрдем жасау күні деп жариялауға шақырған манифест қабылдады. 1992-ші жылдан бастап бұл күн Қазақстанда ұлттық мейрам ретінде атап өтіледі.

Қазақстанда және бүкіл әлемде осы күн ынтымақтастық, қайырымдылық күні болып саналады. «Діни сенімділікті сыйлау! Айырмашылыққа іріткі салмау! Қайырымдылыққа, ынтымақтастыққа шақыру!» - осылар Рухани келісім күнінің негізгі ұстанымы.

Осы мерекеге орай 2017 жылы 18 қазанда Қостанай облыстық тарихи-өлкетану музейі Қостанай «Білім-Инновация» дарынды балаларға арналған лицей-интернатының оқушыларын шақырып «Жастар экстремизмге қарсы!» атты іс-шара өткізді. Іс-шара барысында орталық мешіттің наиб-имамы Бақытжан Икрам және Свято-Никольский храмының діни қызметкері Виталий Павлович Клеба жастарға бұл мерекенің маңыздылығы туралы, Қазақстанның қазіргі жағдайы рухани келісім мен өзара түсіністіктердің орын алуымен ерекшеленетіні туралы әңгімелеп берді.

Сондай-ақ оқушылар ислам және христиан дініне қатысты сұрақтар қойып, адамгершілік әдептер жайлы ақпараттар алды.

kz 3D Тур
3D Тур
int-map-kz
О противодействии терроризму
Cыбайлас жемқорлыққа қарсы стандарты

Баннеры

Есебі

Бүгін68   Кеше143   Бір аптаның ішінде440   Айында1240   Барлығы276138  
2022, Қостанай облыстық тарихи-өлкетану мұражайы
Материалдарды мұражайға сілтеме жасағанда ғана қолдануға рұқсат етіледі
Сайтты жасау — «Иником» веб-агенттігі