12 қараша славян халықтарының күнтізбесінде «Зиновий – синичник» деп аталады. Ежелгі ырымдар бойынша сары шымшықтар орманнан адамдар мекеніне ұшып келіп, көмек күтсе қыстың жақындағаны. «Сары шымшық күні» экологиялық акциясы өлкемізде қыстайтын құстарға: сары шымшық, пайызторғай, суықторғай, жорғаторғай, шекілдек, сарнауық торғайларға арналған.

Қостанай облыстық тарихи-өлкетану музейінде «Сары шымшық күні» атты музей сабақтарының топтамасы өтті.

Сабаққа қатысқан №2 мектеп-лицейінің оқушылары қыстайтын құстар туралы көптеген мәліметтер алып, олардың дауысын тыңдап, өздерін қызықтырған сұрақтарға жауап алды. Сонымен қатар балаларға құстардың қыстап шығуына көмек ретінде қолда бар материалдардан құстарға арналған жем салатын астаудың қалай жасалатындығы көрсетілді.