2022 жылдың 17-27 қазан аралығында облыстық музейдің жұмыс жоспары бойынша Алматы қаласындағы Қазақстан Республикасы Президентінің Архивінде, ҚР Орталық мемлекеттік архивінде, ҚР Орталық мемлекеттік кино-фотоқұжаттар мен дыбыс жазбалар архивінде ғылыми-зерттеу жұмыстары жүзеге асырылды.

Жұмыс барысында Қостанай қаласының негізі қалануының тарихына қатысты, Торғай облысының халық училищелері, Торғай облысы Торғай, Қостанай уездік басқармаларының лауазымды тұлғалары С.Бабин, Х.Қаржасов, Х.Саркиннің қызмет тізімі, Қазақ КСР ОАК жанындағы байлардың мүліктерін тәркілеу және байларды көшіру жөніндегі Орталық комиссияның қызметіне қатысты және т.б. құжаттар анықталды. М.Сералин, С.Қожамқұлов, Е.Өмірзақов, Б.Байқадамов, Ж.Демеев, К.Дөненбаева туралы фотоқұжаттар іріктеліп алынды. Қостанай облысының тарихына қатысты және композитор Б.Байқадамов, ақын, Қазақстанның халық жазушысы Ғ.Қайырбеков, механизатор, Социалистік Еңбек Ері Ж.Демеев туралы киноқұжаттардан үзінді алынды.

Суретші, ҚР Суретшілер одағының мүшесі, жерлесіміз Ғалым Оспанов музейге өзінің 3 натюрморт-картиналарын сыйға тартты.