2023 жылғы 16 ақпанда Қостанай облысы әкімдігінің Мәдениет басқармасының Қостанай облыстық тарихи-өлкетану музейінің бейнелеу өнері бөлімінің экспозициялық залында «Өмір белестері» көрмесінің авторы, Қостанай облысының Құрметті азаматы, «Мәдениет қайраткері» төсбелгісінің иегері, ҚР Суретшілер одағының мүшесі Георгий Соковпен онлайн және офлайн форматта кездесу өтті. Суретшімен кездесуге шығармашыл әріптестері, Қостанай өңірлік университетінің тарих және өнер факультетінің студенттері, А.И. Никифоров атындағы Қостанай көркемсурет мектебінің оқушылары қатысты.
Георгий Соков - бейнелеу өнерінің алуан түрі графика, кескіндеме, монументалды өнер және сценографияда жұмыс істейтін Республикамыздағы белгілі суретшілердің бірі. Георгий Соковтың шығармашылығы жоғары кәсібилікпен, еңбекқорлықпен ерекшеленеді. Суретші өнердегі жарты ғасырлық қызметі барысында 600-ден астам туынды жасаған.
«Өмір белестері» көрмесінің авторы Георгий Михайлович Соковпен кездесу жылы шырайлы, достық жағдайда өтті.
