2023 жылдың 17 наурызында сағат 15.00-де Қостанай облысы әкімдігінің Мәдениет басқармасының Қостанай облыстық тарихи-өлкетану музейінің бейнелеу өнері бөлімінің экспозиция залында суретші-қолөнерші Арлан Аңқауов пен «Arlan Design» студиясы оқушыларының «БАБАЛАР ІЗІМЕН» көрмесі ашылды.
Көрме көктемгі жаңару мерекесі Наурыз қарсаңында ашылды. Суретші-қолөнерші Арлан Аңқауов мереке күндері ұлттық тақырыппен үндескен шығармашылық жұмыстарын көрермен назарына ұсынды. Автор халықтық қолданбалы өнер дәстүрлерін ұстана отырып, ұлтымыздың алуан түрлі көркем мұрасын өз шығармашылығына енгізген. Суретші өз туындыларын түпнұсқа аппликация техникасында жасайды, негізгі материал қой жүнінен жасалған табиғи жүн талшығы. Жұмысқа материал ретінде қой жүнін таңдауы кездейсоқтық емес. Көрмеге анасы Аңқауова Балдырған Қабдолқызының кілем композициялары да қойылғана. Анасының қолынан шыққан кілемдер - көрме авторының шығармашылығына сарқылмас қуат береді.
Көрмеде Арлан Аңқауованың картиналарынан бөлек, оның шәкірттерінің жұмыстары да ұсынылған.
«Бабалар ізімен» көрмесі Қостанай облыстық тарихи-өлкетану музейінің бейнелеу өнері бөлімінің бірінші қабаттағы көрме залында бір ай бойы жұмыс істейді.
