Жас ұрпақтың ұлтымыздың тарихын, дәстүрлерін сақтауға, туған жерге деген құрметін арттыру мақсатында Қостанай облыстық музейінде «Тәуелсіз Қазақстанға саяхат» атты интерактивті жоба өтті. Қаламыздағы №2 орта мектептің оқушылары ойын түрінде тәуелсіз мемлекетіміздің қалыптасуы мен дамуы тарихына шолу жасады. Балалар өз білімдерін тарих, әдебиет, музыка бойынша көрсетті, сондай-ақ сипаттама бойынша тарихи тұлғаларды атады. «Халқымыздың рухани мұрасы» тақырыбындағы шығармашылық тапсырмада ұлттық ою-өрнектерді қолдана отырып «кілем өрнектерін» құрастырды.