Қостанай облыстық тарихи-өлкетану музейінің бейнелеу өнері бөлімінің залында қостанайлық суретші-қолөнерші, ҚР Суретшілер одағының мүшесі, Қостанай меценаттар клубының «Қазына» сыйлығының иегері Николай Гончаровпен шығармашылық кездесу болды.

Автордың үстіміздегі жылдың мамыр айында ашылған «Жүректен шыққан туындылар» атты дербес көрмесінің экспозициясы аясында суретші Н.Гончаров өз шығармашылығы туралы әңгімелеп берді және қонақтардың сауалдарына жауап берді. Кездесуге шығармашыл әріптестері, өнерсүйер қауым, Л.И.Русин атындағы жеке меншік көркемсурет мектебінің оқушылары қатысты. Суретшімен болған кездесу жақсы көңіл-күйде өтті.