3 желтоқсанда Қостанай облыстық тарихи-өлкетану музейінде ҚР Тұңғыш Президенті күніне арналған «Президент болғым келеді» іскерлік ойыны өтті. Іс-шараға қаламыздағы А.Байтұрсынов атындағы ҚМУ Экономика және құқық институтының тарих мамандығы бойынша 1-2 курс студенттері қатысты. Іскерлік ойынның І кезеңінде жастар өз тобынан кандидатты сайлады. Кандидаттарды таныстыратын презентациялар, облыс, аудан, қаланы дамыту бойынша бағдарламалары алдын-ала дайындалды. Келесі кезеңдерде байқауға қатысушылар саяси терминдік бағытта, мемлекетіміздің негізгі заңы – Конституция бойынша, сонымен қатар қаншалықты шетел тілдерін меңгергендерін білімдерімен дәлелдеді. Қатысушылар шешендік өнерлерін «Балалар қылмысы: шығу жолы қандай?» тақырыбындағы пікірталаста көрсетті. І курс студенті Мұсабаев Рахат Ауданбайұлы іс-шара жеңімпазы атанды. Бүгін ойынға қатысқан жастардың арман-қиялдарының болашақта орындалмасына кім кепіл.