«Рухани Жаңғыры» бағдарламасын жүзеге асыру шеңберінде Қостанай облыстық тарихи-өлкетану музейінде қасиетті нысандарды ақпараттық жариялау жұмыстары жалғасуда. Рухани құндылықтарды нығайту, тарихи ескерткіштер мен қасиетті орындарды насихаттау мақсатында музей 2019 жылы Қостанай облысының мәдениет басқармасымен бірлесіп «Қостанай облысының қасиетті нысандары» атты суретті альбомды қазақ, орыс және ағылшын тілдерінде жарыққа шығарды. Альбомға Қостанай облысының жалпыұлттық маңыздағы 10 нысаны, жергілікті маңыздағы 19 ескерткіштер мен тарихи орындары енгізілді.