Қазақстанның белгілі суретшісі Павел Иванович Реченский - дарынды кескіндемеші, график, монументалист, ҚР Суретшілер одағының мүшесі, ҚР Суретшілер одағының Қарағанды облыстық ұйымын құрушылардың бірі.

1997 жылы Павел Реченскийдің жұмыстары Братиславадағы (Словакия) «INSITA» өнерінің Халықаралық көрмесінде ұсынылды. Сол жылы Мәскеудегі өнер музейінде оның дербес көрмесі өтті.

Нағыз суретші жабырқау бола алмайды, Реченский де ондай жан емес. Әлемге қиындықтар мен тауқыметті аңдата отырып, көрерменнің назарын өмірдің басқа арнасына аударады. Оның түстерінің күңгірттігіне мұқият қарау керек, сонда ғана ол суретшінің өзі үшін және біздер үшін ашқан шынайылық нұрымен жарқырай түседі.

Суретші Павел Реченскийдің туындылары Өнер музейінде (Мәскеу), Қарағанды және Павлодар облыстық музейлерінде, жеке коллекцияларда бар. П.И. Реченскийдің алпыстан астам кескіндемелік және графикалық туындылары Қостанай облыстық тарихи-өлкетану музейінің қорында сақталған.

https://www.facebook.com/it.kraeved.kst/posts/930118057479077

https://vk.com/video397862586_456239249

https://www.instagram.com/tv/CGoaIplgwap/?utm_source=ig_web_copy_link