Биылғы жылы Қостанай қаласына 139 жыл толады. Қала күнін мерекелеу қарсаңында 13 тамызда «Узкоколейный» АҚ №11 кітапханасында «Қостанай қаласының тарихы» тақырыбында іс-шара өтті. Қостанай облыстық тарихи-өлкетану музейінің қызметкерлері №25 мектептің оқытушылары мен оқушыларына дәріс оқыды. Дәріс оқу барысында «Қостанай тарихы беттерінен» сыр шертетін фотоқұжаттар көрсетілді. Іс-шараға қатысушылар өздерінің сүйікті қаласы туралы, осы жылдар ішінде Қостанай шағын қалашықтан өсіп, көркейіп, дамып, қазіргі заманғы сауда-өнеркәсіп және мәдени орталыққа айналғандығы жөнінде қызықты ақпараттар алды.