2023 жылдың 14 ақпанында Қостанай облыстық тарихи-өлкетану музейінің бейнелеу өнері бөлімінің экспозициялық залында балалар кітаптарының суретші-иллюстраторы Нина Олексюктің "Ойдың түрлі түсті палитрасы" атты шеберлік сабағы өтті. Суретші №5 мектеп-гимназиясының 3"д" сыныбына акварель техникасы бойынша сабақ өткізді.
Көрме залындағы шығармашылық жанға жайлы ахуалда оқушылар суретші Н. Олексюкпен бірге аса қызығушылықпен өз композицияларын шабыттана жасады.
Жоба қатысушыларына Георгий Соковтың «Өмір белестері» көрмесі бойынша экскурсия жүргізілді.
Жоба «Қостанай қаласы әкімдігінің мәдениет және тілдерді дамыту бөлімінің орталықтандырылған кітапхана жүйесі» ММ «Құрылыс» филиалы – кітапханасымен бірлесіп жүзеге асты.
