18 наурызында Қостанай облыстық тарихи-өлкетану музейінде «Мерейлі наурыз шашуы» атты фольклорлық-этнографиялық мереке өтті. Бүгін де "Наурыз мейрамы" мерекесі Қазақстанда тұрып жатқан көпұлтты халықтардың барлығына бірдей қымбат. Ол Қазақстанның тарихы мен мәдениетімен тығыз байланысты, ұлттық рухты көтеріп, көне қазақ әдет-ғұрыптары мен дәстүрлерін еске түсіреді.
Іс-шара барысында музей қызметкерлері қазақ ұлттық тағамдарының ерекшеліктерін, тағам дайындау әдістерін және дәстүрлі мерекелік тағамдарды сақтау ережелерін көрсетті. Іс-шараға қатысушылар қазақ халқының ұлттық тағамдарының құндылықтары туралы қызықты әңгімелермен бірге, жасалынған тағамдардан ауыз тиюге мүмкіндік алды. Іс-шараға келген қонақтар көне қазақ ұлттық ойындары «Жілік сындыру», «Асық ойнау», «Ләңгі тебуге» қатысты. Мерекенің басты тағамы наурыз көжеден дәм татты.
