2022 жылдың 5 қыркүйегінде Қостанай облыстық тарихи-өлкетану музейінің ғылыми хатшысы  Н.Қ. Оташева көрнекті қоғам қайраткері, ақын, көсемсөзші, түркітанушы ғалым және лингвист Ахмет Байтұрсынұлының 150 жылдығына арналған «Тіл - қазына» атты республикалық дөңгелек үстелге қатысты. А.Байтұрсынұлының өмірі мен қызметі туралы музейдің қор жиынтығы негізінде баяндама жасап,  мультимедиялық тұсаукесер көрсетті.

Дөңгелек үстелді Қарағанды агротехникалық колледжі мен  Қарағанды облысы білім беруді дамытудың оқу-әдістемелік орталығы бірлесіп өткізді. Іс-шара облыс және аудан колледждерінің қазақ тілі мен әдебиеті пәндерінің оқытушыларының қатысуымен онлайн түрде өтті.