Қостанай облыстық тарихи-өлкетану музейі көрнекті ағартушы, қоғам қайраткері, ақын А.Байтұрсынұлының 150 жылдығына арналған «Қазақ халқының данышпан ұлы» музейлік сабақтар топтамасын жалғастырды.
Бүгін 5 қыркүйек ұлы ғалым-көсемсөзшінің туған күні музей қызметкерлері Қостанай қаласындағы №19 ОМ оқушыларымен кездесті. Ахмет Байтұрсынұлының өмірбаяны туралы мазмұнды дәрісті тыңдаған оқушылар қосымша экспозиция залындағы «Ұлттың ұлы ұстазы» көрмесіндегі құжаттық материалдармен және сирек кездесетін жәдігерлермен танысты.
