Жыл сайын қараша айының үшінші бейсенбісінде әлемнің көптеген елдері Халықаралық темекіден бас тарту күнін атап өтеді. Оның мақсаты – темекіге тәуелділіктің таралуын азайтуға көмектесу, темекінің адам денсаулығына зиянды әсері туралы қоғамды ақпараттандыру, алдын алу үдерісіне халықтың әртүрлі топтары мен барлық мамандықтағы дәрігерлерді тарту.

Темекіден бас тарту күні аясында Қостанай облыстық тарихи-өлкетану музейі психикалық денсаулық орталығының мамандарымен кездесу ұйымдастырды, олар темекі шегудің жағымсыз салдарына көңіл аудару үшін Мичурин жалпы білім беру мектебінің жоғары сынып оқушыларымен профилактикалық және тәрбиелік әңгіме өткізді.