2018 жылы 31 қазанда Қостанай облыстық тарихи-өлкетану музейінің бейнелеу өнері бөлімінің көрме залында бейнелеу және сәндік-қолданбалы өнердегі жас авторлардың ІХ облыстық «Жас толқын-2018» конкурсына қатысушыларды марапаттау рәсімі өтті.

«Жас толқын - 2018» конкурсын «Қостанай облысы әкімдігінің мәдениет басқармасы», «Қостанай облыстық тарихи-өлкетану музейі» КММ, «ҚР Суретшілер одағының Қостанай облыстық ұйымы» ҚБ ұйымдастырды.

Марапаттау кескіндеме, графика, мүсін, сәндік-қолданбалы өнер номинациялары бойынша өтті.

Конкурс дипломанттары бағалы жүлделермен марапатталды, іріктеу кезеңінен өткен барлық конкурс қатысушыларына сертификаттар берілді.

Іріктеу кезеңінен өткен барлық конкурс қатысушыларының жұмыстарын көрмеден 10 қарашаға дейін тамашалауға болады.