2022 жылдың 15 желтоқсанында Қостанай облыстық тарихи-өлкетану музейінің қызметкері А.Никифоров атындағы көркемсурет мектебінің оқушыларына Қазақ КСР-нің еңбек сіңірген өнер қайраткері, Ресейдің халық суретшісі, Татарстанның халық суретшісі Баки Урманченің туғанына 125 жыл толуына орай «Баки Урманченің өмірі мен шығармашылығы» атты музей сабағын өткізді. Сабақ барысында балаларды музей қорының алтын жиынтығына енген суретшінің кескіндеме туындыларымен таныстырды. Ол Қазақстан, Өзбекстан және Мәскеу арасындағы сапарында ең жарқын бояуларға қол жеткізді. Баки Урманче портрет, тарихи картина, жанрлық бейнелерде, эскиздер мен сахналық киімдерде осы жерлердің әсем табиғаты мен адамдарын бейнеледі. Оның шығармашылық мұрасы сан алуандығы және адамның рухани дүниесінің тереңдігімен ерекшеленіп, әлемдік мәдениеттің асыл қазынасына енген.