1 - қыркүйек дәстүрлі жаңа оқу жылының басталуымен байланысты. Бұл күні барлық оқушылар, студенттер, сондай-ақ мұғалімдер мен оқытушылар ұзақ жазғы демалыстан кейін, жұмыс күндерін қайта бастайды.

Қостанай облыстық тарихи-өлкетану музейі Білім күніне орай ұйымдастырылған «Білім мұхитына саяхатқа» № 2 ОМ оқушыларын шақырды. Іс-шара барысында оқушылар мереке тарихымен танысып, қызықты викториналарға қатысты. Музей қызметкерлері балаларға мектеп керек-жарақтарының: портфельдің, қаламның, өшіргіштің, сызғыштың, күнделіктің және т.б шығу тарихын айтып берді. Сонымен қатар іс-шараға қатысушылар ежелгі замандағыдай қыш, балауыз тақтайшалар мен қайынның қабығына жазып көріп, өткенге көз жүгіртті.